काठमाडौं । जापान पठाईदिने भन्दै रकम ठगी गर्ने एक जना पक्राउ परेका छन् । जिल्ला खोटाङ साकेला गाउँपालिका वडा नं. १ स्थाई घर भई हाल काठमाडौं महानगरपालिका वडा नं. २९ मैतीदेवी बस्ने ४५ वर्षीय राज कुमार गुरुङ पक्राउ परेका हुन् ।
उनले टेक प्रसाद गौतमलाई वैदेशिक रोजगारीका लागि जापान पठाईदिने र जापान पुगेपछि कुकमा काम लगाईदिने, मासिक १ लाख बढी तलब हुन्छ भनी विश्वास दिलाई प्रलोभनमा परेर रकम ठगी गरेका थिए । गुरुङले पिडितबाट पटकपटक गरी २ लाख ७० हजार रुपैयाँ ठगी गरी सम्पर्क विहिन भएका थिए ।
उनलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले आसोज २ गते घट्टेकुलोबाट पक्राउ गरेको हो । पक्राउ परेका गुरुङलाई थप अनुसन्धान तथा कारवाहीका लागि वैदेशिक रोजगार विभाग ताहाचल पठाईएको छ ।
