काठमाडौं । मलेसिया पठाईदिन्छु भन्दै रकम ठगी गर्ने व्यक्ति पक्राउ परेका छन् । जिल्ला डोटी शिखर नगरपालिका वडा नं.०२ स्थाई घर भई हाल काठमाडौँ महानगरपालिका वडा नं. ३० सेतोपुल बस्ने ३२ वर्षीय धन बहादुर बोगटी पक्राउ परेका हुन् ।
उनले कृष्ण बहादुर बोगटीलाई वैदेशिक रोजगारीको लागि मलेसिया पठाइदिने र मलेसिया पुगेपछी प्यकेजिङमा काम लगाईदिन्छु, मासिक ६० हजार तलब हुन्छ भनी विश्वास दिलाई प्रलोभनमा परेर रकम ठगी गरेका थिए । उनले पिडितबाट पटक पटक गरी ३ लाख रुपैयाँ ठगी गरी सम्पर्क विहीन भएका थिए ।
काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले उनलाई सेतोपुलबाट पक्राउ गरेको हो । पक्राउ परेका बोगटीलाई थप अनुसन्धान तथा कारवाहीका लागि वैदेशिक रोजगार विभाग पठाईएको प्रहरीले जनाएको छ ।
प्रतिक्रिया दिनुहोस्