">
काठमाडौं । म्यानमारले नेपालसहित थप चार मुलुकका कूटनीतिक तथा विशेष राहदानी भएका पर्यटकका लागि बिना भिषा प्रवेशको व्यवस्था गरेको छ ।
बिना भिषा प्रवेशको व्यवस्था पाउने थप चार मुलुकमा नेपाल, बेलारुस, मोरक्को र जापान रहेको सरकारी अधिकारीलाई उद्धृत गरी ग्लोबल न्यू लाइट अफ म्यानमारले जनाएको छ । यो कदमको उद्देश्य म्यानमार र यी देशहरूबीच बलियो कूटनीतिक सम्बन्धलाई बढावा दिनु र पर्यटनलाई प्रोत्साहित गर्नु हो ।
म्यानमार र यी देशहरूबीच पारस्परिक भिसा सम्झौताको एक भागको रूपमा यो निर्णय आएको छ, जसले कूटनीतिज्ञहरू र विशेष पासपोर्ट धारकहरूलाई ३० देखि ९० दिनसम्म देशमा बस्न अनुमति दिने जनाईएको छ ।
नयाँ थपिएका चार मुलुकबाहेक बङ्गलादेश, ब्राजिल, चीन, कोलम्बिया, भारत, दक्षिण कोरिया, उत्तर कोरिया, मङ्गोलिया, रूस, सर्बिया, श्रीलङ्का र दक्षिणपूर्वी एसियाली राष्ट्रहरूको संगठन (सार्क) का सदस्य राष्ट्रहरू म्यानमारबाट भिषा छुटका लागि योग्य छन् ।
होटल तथा पर्यटन मन्त्रालयका उपस्थायी सचिव यु ह्ला मिन्तले भिषा रहित प्रवेश र आगमनमा भिषा लगायतका कदमले देशमा पर्यटकको आगमन बढाउन मद्दत पुग्ने बताएका थिए । पर्यटन मन्त्रालयका अनुसार सन् २०२३ को पहिलो आठ महिनामा म्यानमारमा सात लाख ५१ हजार २१६ विदेशी पर्यटक भित्रिएको बताइएको छ ।
