काठमाडौं । नेपाल एयरलाइन्सको जहाज मर्मतका लागि इजरायल लगिने भएको छ । आइतबार एयरलाइन्सको नाइन एन एकेएक्स जहाज मर्मतका लागि इजरायल लैजान लागिएको हो ।
उक्त जहाजलाई आइतबार राती ११ः३० बजे इजरायल लगिने भएको छ । चाडपर्वमा यात्रुको चाप बढी हुने भन्दै एयरलाइन्सले जहाज मर्मत तथा इन्जिन फेरबदलका लागि १८ सेप्टेम्बरमा स्लट उपलब्ध भएकाले उक्त जहाज मर्मतका लागि आइतबार नै इजरायल लगिने भएको हो ।
जहाज मर्मतपछि २२ सेप्टेम्बरमा काठमाडौं फिर्ता ल्याइनेछ । जहाजमा देखिएको प्राविधिक समस्याका कारण यात्रुमा पर्न गएको असुविधाप्रति निगमले क्षमायाचना गरेको छ ।
