काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक घटेको छ । सोमबारको तुलनामा नेप्से परिसूचक १९.४२ अंकले घटेर १९६७.५७ बिन्दुमा पुगेको हो ।
मंगलबार नेप्सेमा कुल २७६ कम्पनीको ३९ लाख १६ हजार १ सय ६१ कित्ता सेयर खरिद बिक्री हुँदा १ अर्व १३ करोडमाथिको सेयर कारोबार भएको छ । आज सबैभन्दा बढी कारोबार नेपाल एसबिआई बैंक लिमिटेडको भएको छ । यस कम्पनीको ७ करोड ५६ लाख १८ हजार ९ सय २० रुपैयाँ ३० पैसा बराबरको सेयर कारोबार भएको छ ।
यस्तै मंगलबारको सेयर बजारमा शुवम पावर लिमिटेडका लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा समलिंग पावर कम्पनी, अपर स्याङ्गे हाइड्रोपावर, अरुण काबेली पावर, दोल्ती पावर कम्पनी र नबिल ब्यालेन्स फण्ड-२ का लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच मंगलबारको सेयर बजारमा सबैभन्दा बढी कारोबार नेपाल एसबिआई बैंक लिमिटेडको भएको छ । यस कम्पनीको ७ करोड ५६ लाख १८ हजार ९ सय २० रुपैयाँ ३० पैसा बराबरको सेयर कारोबार भएको छ । यस अलावा शिवम् सिमेन्ट, एभरेस्ट नेपाल, आइएमई लाइफ इन्स्योरेन्स, सोल्टी होटल र साल्ट ट्रेडिङको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरूको सूचीः
यस्तै मंगलबारको सेयर बजारमा थ्री स्टार हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट लागेको हो । थ्री स्टार हाइड्रोपावरको सेयरमा यस्तो गिरावट आउँदा सुपर मादी हाइड्रोपावर, हिमालयन उर्जा विकास कम्पनी, सिद्धार्थ प्रिमियर इन्स्योरेन्स र अपर सोलु हाइड्रो इलेक्ट्रिकमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः
