काठमाडौँ । बरिष्ट पत्रकार राजेन्द्र पराजुलीको निधन भएको छ । पराजुलीको उपचारकाे क्रममा मंगलबार बिहान बी एण्ड बी अस्पतालमा ५८ बर्षको उमेरमा निधन भएकाे हाे। निमाेनिया भएर अस्पताल भर्ना भएका उनको मल्टिपल अर्गान फेलियरका कारण निधन भएकाे अस्पतालले जनाएको छ ।
साझा प्रकाशनको सञ्चालक समिति सदस्य रहेका र पत्रकारितासँगै साहित्यमा पनि सक्रिय पराजुलीले हिमाल खबरपत्रिका, नेपाल समाचारपत्र, नागरिक, अभियान, बाह्रखरी डटकम, क्यापिटल बिजनेश म्यागजिन लगायतका मिडियामा काम गरेका थिए ।
पराजुलीका श्रीमती, एक छोरा र एक छोरी छन् ।
