">
काठमाडौं । साधना लघुवित्त वित्तीय संस्था र सबैको लघुवित्त वित्तीय संस्था एकआपसमा मर्ज हुने भएका छन् । दुवै कम्पनीले एक आपसमा मर्जरमा जाने सहमतिपत्रमा भदौ १५ गते शुक्रबार हस्ताक्षर गरेका हुन् ।
उक्त सम्झौता भएसँगै दुवै कम्पनीको आधारभूत सेयरधनीहरुको सेयर कारोबार रोक्का हुनेछ ।
साधना लघुवित्तको प्रमुख संस्थापकमा कुमारी बैंक, शांग्रिला डेभलपमेन्ट बैंक, एक नारायण चापागाई रहेका छन् भने सबैको लघुवित्तको प्रमुख संस्थापाकमा शशिकान्त अग्रवाल, पृथ्वी, चन्द्र ढकाल, हेमराज ढकाल, रेखा घिमिरे रहेका छन् ।
साधना लघुवित्तको केन्द्रीय कार्यालय गोरखामा रहेको छ । यस्तैगरी सबैको लघुवित्तको केन्द्रीय कार्यालय तनहुँमा रहेको छ ।
