काठमाडौँ । भन्सार छली गर्ने व्यक्ति सामान सहित प्रहरीको नियन्त्रणमा रहेको छ । कार्यालय मातहत सशस्त्र प्रहरी सेनामुख बर्दियाबाट खटिएको प्रहरी टोलीले गस्ती गर्ने क्रममा भन्सार छलीका सामान सहित मानिस नियन्त्रणमा लिएको हो ।

जिल्ला बर्दिया गुलरिया नगरपालिका ०६ स्थित भारतबाट भन्सार छली चोरी पैठारी गरी मिति २०८०।०६।२३ गते बिहान ६ बजे प्रहरी टोलीले सो व्यक्तिलाई नियन्त्रणमा लिएको हो । छलीका सामानको अन्दाजी मुल्य ८ हजार १ सय ७० रुपैयाँ बराबरका किराना सामानहरु र सो कार्य गर्न प्रयोगमा ल्याईएका साईकल १थान सहित भारतको जिल्ला बहराईच थाना मोतिपुर ग्राम भगडिया बस्ने ३० वर्षीय सदाम शेषलाई प्रहरीले नियन्त्रणमा लिएको हो ।

भन्सार छली गर्ने व्यक्तिलाई थप अनुसन्धानका लागि राजापुर भन्सार कार्यालय गुलरिया बर्दियामा बुझाएको जिल्ला प्रहरी कार्यालय, बर्दियाको सूचना प्रविधि शाखाले जानकारी दिएको छ ।