काठमाडौँ । बैंकिङ कसूर मुद्दामा कैद जरिवाना तोकि फरार रहेका व्यक्ति पक्राउ परेका छन् । जिल्ला तनँहु भानु नगरपालिका वडा नं.१२ घर भई हाल जिल्ला काठमाण्डौँ किर्तिपुर नगरपालिका वडा नं. ६ पागा बस्ने ३२ वर्षीय राजु थापा पक्राउ परेका हुन् ।

वादी नेपाल सरकार प्रतिवादी राजु थापा भएको बैँकिङ कसुर मुद्दामा सम्मानित उच्च अदालत पाटन, ललितपुरको मिति २०८०-०३ -०३ गतेको फैसलाले बिगो ५ लाख रुपैयाँ जाहेरवालालाई भराई बिगो बमोजिम ५ लाख रुपैयाँ जरिवाना, क्षतिपुर्ति शुल्क २० हजार राहत कोषमा जम्मा गराई दुई दिन कैद हुने ठहर भई फरार रहेका थिए ।

त्यस्तै, फरार रहेका प्रतिवादी राजु थापालाई उक्त कार्यालयबाट खटिएको प्रहरी टोलीले मिति २०८०-०६-२२ गते जिल्ला काठमाण्डौँ महानगरपालिका वडा नं.१४ बल्खुबाट पक्राउ गरेको हो । सो प्रतिवादीलाई फैसला कार्यन्वयनको लागि सम्मानित काठमाण्डौँ जिल्ला अदालतमा पठाएको काठमाडौँ उपत्यका अपराध अनुसन्धान कार्यालयले जानकारी दिएको छ ।