">
काठमाडौँ । बैंकिङ कसुर मुद्दाका फरार प्रतिवादी पक्राउ परेका छन् । जिल्ला रुपन्देही , तिलोत्तमा नगरपालीका वडा नं ०६ स्थायी घर भई हाल जिल्ला कास्की पोखरा महानगरपालीका १७ बिरौटा बस्ने ५३ वर्षीय कमल प्रसाद श्रेष्ठ प्रकाउ परेका हुन् ।
विनिता कुमारी पौडेलको जाहेरीले वादी नेपाल सरकार प्रतिवादी श्रेष्ठ भएको बैंकिङ कसुर मुद्दामा कास्की जिल्ला अदालतबाट पक्राउ पुर्जी जारी भई फरार रहेका श्रेष्ठलाई प्रहरी टोलीले खोजी गरी रहेको थियो ।
सो कार्यालयबाट खटेका विशेष टोलीले मिति २०८०-०७-०२ गते काठमाडौँ महानगरपालीका ठमेलबाट पक्राउ गरेको हो । साथै, थप अनुसन्धान तथा कारवाहिका लागि २०८०-०७-०२ गते जिल्ला प्रहरी कार्यालय कास्की पठाएको काठमाण्डौं उपत्यका अपराध अनुसन्धान कार्यालयले जानकारी दिएको छ ।
