काठमाडौँ । पेट्रोल छर्की आगो लगाई फरार रहेका व्यक्ति पक्राउ परेको छ ।  पर्सा जिल्ला सोबर्णपुर गाउँपालिका वडा नं.६ घर भई हाल ललितपुर जिल्ला ललितपुर महानगरपालिका वडा नं १७ ग्वार्को बाफल बस्ने २६ वर्षीय सुवास बिक प्रकाउ परेको हो ।

पर्सा जिल्ला सोबर्णपुर गाउँपालिका वडा नं ६ घर भई हाल ललितपुर जिल्ला ललितपुर महानगरपालिका वडा नं १७ ग्वार्को बाफल स्थित एसबि ह्याण्ड ग्राफीमा काम गर्ने २४ वर्षीय अरुण बिश्वकर्मालाई २०८०-०६-२२ गते १:३० बजेको समयमा सुवास बिकले पेट्रोल छर्की आगो लगाई भागेको हो । साथै, आगो सल्किन गई सो स्थानमा रहेका अन्य ३ जना घाईते भई किर्तिपुर बर्निङ्ग अस्पतालमा उपचार भईरहेको छ ।

उक्त घटनामा अनुसन्धानको लागी सो कार्यालयबाट खटिएका प्रहरी टोलीले खोजतलासको क्रममा आगो लगाउने निज शिबु भनिने सुवास बिकलाई मिति २०८०-०६-२३ गते बिहान अन्दाजी ९:३० बजेको समयमा काठमाण्डौ महानगरपालिका वडा नं.२२ सुन्धाराबाट प्रहरीले पक्राउ गरेको हो ।

उक्त प्रतिवादीको थप अनुसन्धान तथा कारवाहीका लागी प्रहरी वृत्त सातदोबाटो, ललितपुर पठाएको काठमाण्डौँ उपत्यका अपराध अनुसन्धान कार्यालयले जानकारी दिएको छ ।