काठमाडौँ । ललितपुरको लेलेमा हेरिटेज हेभन हिल्स कोलोनीले बंगला तथा घडेरीको बुकिङ खुलाएको छ । कम्पनीले दशैँको अवसरमा ५१ रोपनीको कोलोनीमा बंगला तथा घडेरी बुकिङ गर्नेलाई उपहार प्रदान गर्ने भएको हो ।
लेले बसपार्कबाट २ सय मिटर भित्र पर्ने उक्त कोलोनी द पीएम ग्रुप अफ कम्पनी र युवा विकासको सहकार्यमा निर्माण भईरहेको छ । सरकारी माफण्ड अनुसार २० फिट र १६ फिटको सडक पहुँच भएको कोलोनीमा १ सय ३० वटा घडेरी तयार गरिएकोमा २८ वटा अढाई तल्लाका बंगला र १ सय २ वटा घडेरी बिक्री गर्न लागिएको हेरिटेज हेभन हिल्सले जानकारी दिएको छ ।
कम्पनीले दशैं तथा तिहारमा बुकिङ गर्नेहरुका लागि विभिन्न किसिमका अफरहरु पनि सञ्चालन गरेको छ । दशैंमा बैना वा पास गर्नेहरुले विशेष छुट तथा लक्की ड्रमार्फत टाटाको नेक्सन कार जित्न सक्ने कम्पनीले जनाएको छ । साथै, जग्गा खरिदकर्तालाई जग्गाा बैना गरेको समयमा एउटा आइफोन १४ प्रो म्याक्स उपहारमा दिने कम्पनीले बताएको छ ।
त्यस्तै, टिकटकमा भिडियो बनाउनेहरुका लागि पनि ५ देखि १५ हजारसम्म नगद पुरस्कार दिने कम्पनीले जनाएको छ । सरकारको मापदण्ड बमोजिम न्यूनतम चार आना दुई दामदेखि माथिका घडेरीहरु उपभोक्ताका लागि उपयुक्त हुने जनाएको कम्पनीले चार आना दुई दाममा बन्ने अढाई तल्ले बंगलाको मूल्य १ करोड २५ लाख रुपैयाँ तोकेको छ । साथै, प्रतिआना १२ लाख ९९ हजारदेखि १५ लाख ५० हजार रुपैयाँको दरमा घडेरी किन्न सक्नेछन् ।
कम्पनीका अनुसार, ‘पाँच वर्षसम्मका लागि ५५ प्रतिशत फाइनान्सिङ सुविधामा बंगला तथा घडेरी खरिद गर्ने व्यवस्था गरेको तथा वैदेशिक रोजगारीमा भएकाहरुका लगि ८० प्रतिशतसम्म फाइनान्सिङ सुविधा उपलब्ध गराउने छ । जग्गा खरिद गर्नेलाई दुई वर्षभित्र डेढी मूल्यमा जग्गा रिटर्न ब्याक ग्यारेन्टी गरेको हो । पाँचतिरबाट पुग्न सकिने कोलोनीमा तत्कालै घर बनाएर बस्न सक्नेछन् ।’
सो ठाउँमा चारैतिर हरियाली सुन्दर वातावरण तथा प्राकृतिक सौन्दर्यताले भरिपूर्ण मनोरम दृश्यको अवलोकन गर्न सक्नेछन् । साथै, जग्गामा पिच रोड, पार्क, बिजुली, पानीको राम्रो सुविधा रहेको तथा कोलोनीमा सौर्य उर्जाबाट सडकबत्ती सञ्चालन गर्ने काम भईरहेको कम्पनीले बताएको छ ।
