काठमाडौं । दोलखा सुन प्रकरणमा थप एक जना पक्राउ परेका छन् । केन्द्रिय अनुसन्धान ब्युरो (सीआईबी) ले सोमबार काठमाडौंको महाराजगञ्जबाट तिलक वि.क. लाई पक्राउ गरेको हो ।

उनी सुन व्यापारी भएको पाइएको छ । उनले नमस्ते नाम गरेको ज्वर्लस पसल संचालन गरिरहेका छन् । विकले चिनको तिब्बतबाट दोलखा आएको अवैध सुन किन्ने गरेको ब्युरो प्रमुख एआइजी किरण बज्राचार्यले बताएकी थिइन् । उनले भनिन्,’ ‘उनले अवैध सुन किन्ने गरेको देखिएपछि नियन्त्रणमा लिएका हौं ।’

उनको साथबाट प्रहरीले १२ तोला सुन समेत बरामद गरेको छ । पक्राउ परेका विकलाई थप अनुसन्धानको लागि दोलखा पठाईएको प्रहरीले जनाएको छ ।

सो प्रकरणमा अहिलेसम्म प्रहरीले चिनियाँ नागरिक सहित १० जना भन्दा बढीलाई पक्राउ गरिसकेको छ ।