काठमाडौं । आइतबार सुनको मूल्यमा पुनः नयाँ रेकर्ड कायम भएको छ । शुक्रबारको तुलनामा सुनको मूल्य १ हजार रुपैयाँले बढेको हो ।

नेपाल सुनचाँदी व्यवसायी संघका अनुसार आइतबार छापावाल सुन प्रतितोला १ लाख १७ हजार रुपैयाँ र तेजाबी सुन प्रतितोला १ लाख १६ हजार ४५० रुपैयाँमा कारोबार भइरहेको छ ।

यता चाँदीको मूल्य पनि १५ रुपैयाँले वृद्धि भएर प्रतितोला १ हजार ४ सय १५ रुपैयाँमा कारोबार भइरहेको छ ।

यस्तै १० ग्राम छापावाला सुनको मूल्य १ लाख ३१० रुपैयाँ, १० ग्राम तेजाबी सुनको मूल्य ९९ हजार ८४० रुपैयाँ र १० ग्राम चाँदीको मूल्य १ हजार २ सय १३ रुपैयाँ कायम भएको छ । सुनचाँदी व्यवसायीहरुका अनुसार यो भाउ अझै बढ्ने अनुमान गरिएको छ ।