काठमाडौं । घटस्थापनाको दिन आइतबार सुनको मूल्य प्रतितोला २९ सय रुपैयाँले बढेको छ ।
शुक्रबार प्रतितोला १ लाख १० हजार १ सय रुपैयाँमा कारोबार भईरहेको छापावाला सुन आज प्रतितोला २९ सय रुपैयाँले बढेर १ लाख १३ हजार रुपैयाँमा कारोबार भईरहेको छ । त्यस्तै, तेजाबी सुन प्रतितोला १ लाख १२ हजार ४ सय ५० रुपैयाँमा कारोबार भईरहेको छ ।
यता चाँदीको मूल्य पनि ४५ रुपैयाँले बढेर १ हजार ३ सय ९० रुपैयाँमा कारोबार भईरहेको छ । नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ९६ हजार ८ सय ८० रुपैयाँ, १० ग्राम तेजाबी सुनको मूल्य ९६ हजार ४ सय १० रुपैयाँ र १० ग्राम चाँदीको मूल्य १ हजार १ सय ९२ रुपैयाँ निर्धारण गरेको छ ।
