काठमाडौँ । भारतीय सेयर बजार तेजीले घट्न थालेको छ । भारतीय सञ्चारमाध्यमहरुका अनुसार बीएसई सेन्सेक्स ७०० अङ्कले घटेर ६३ हजार ३०० भन्दा तल आएको छ । अझ १५ मिनेटमै लगानीकर्ताहरूले ३५ खर्ब ८० अर्ब रुपैयाँ स्वाहा हुँदा यता निफ्टी ५० पनि घटेर १८ हजार ९००भन्दा तल झरेको स्थिति देखिएको छ । यसो त भारतको मात्र होइन चिनियाँ सेयर बजारदेखि जापानको सेयर बजारसम्म अहिले राताम्य देखिएको छ ।

भारतको सेयर बजारको घटोत्तरीको फरक खालको संयोग नेपाली सेयर बजारमा देख्न पाइन्छ । जवजव भारतीय बजार तेजले घट्न थाल्छ, तव नेपाली सेयर बजार उकालो लागेको इतिहास छ । यसअघिका बजार बुलिस लयमा लाग्दा पनि त्यस्तै स्थिति देखिएको थियो । यसपाली नेपाली सेयर बजार मापक नेप्से परिसूचक बटममा छ भन्ने विश्लेषण भईरहँदा र ठिक यहि समय भारतीय सेयर बजार तेजले घट्न थाल्दा यस्तै संयोगको बिकास भएको हो कि भन्ने चर्चा पनि सुरु भएको छ ।