काठमाडौं । कुमारी बैंक र प्रभु बैंकले संस्थापक सेयर बिक्रीमा ल्याएका छन् ।
कुमारी बैंकले आफ्ना केहि संस्थापक सेयरधनिहरुको नाममा रहेको ११ लाख २२ हजार कित्ता सेयर बिक्रीमा ल्याएको हो । उक्त सेयरमा बैंकका विद्यमान अन्य संस्थापक सेयरधनीहरुले आवेदन दिन सक्नेछन् । सेयर भाउ भने बिक्रेताले तेको वमोजिम हुने सूचनामा उल्लेख गरिएको छ ।
सेयर खरिद गर्न इच्छुक लगानीकर्ताले बैंकको केन्द्रिय कार्यालयमा ३५ दिन भित्र आवेदन दिन सक्नेछन् ।
साथै, प्रभु बैंकले पनि आफ्ना संस्थापक सेयरधनिहरुको नाममा रहेको २० हजार २०२ कित्ता सेयर बिक्रीमा ल्याएको हो । सो सेयरमा विद्यमान संस्थापक सेयरधनी वा अन्य कुनै व्यक्ति, सघं सस्थाले पनि आवेदन दिन सक्नेछन् । बैंकले यो सेयरको भाउ भने तोकेको छैन ।
प्रभु बैंकको सेयर खरिद गर्न इच्छुक लगानीकर्ताले बैंकको केन्द्रिय कार्यालयमा १५ दिन भित्र आवेदन दिन सक्नेछन् ।
