काठमाडौं । नेशनल लघुवित्त वित्तीय संस्थाले संस्थापक सेयर बिक्रीमा ल्याएको छ । लघुवित्तले आफ्ना ९ जना संस्थापक सेयरधनीहरुको नाममा रहेको कुल ६४ हजार ४ सय ४२ कित्ता सेयर बिक्रीमा ल्याएको हो ।
उक्त संस्थापक सेयरमा कम्पनीका विद्यमान संस्थापक सेयरधनीहरुले आवेदन दिन सक्नेछन् । कम्पनीले बिक्री गर्न लागेको सेयरको मुल्य भने तोकेको छैन ।
सेयर खरिद गर्न इच्छुक लगानीकर्ताले ३५ दिनभित्र आवेदन दिन सक्नेछन् । उक्त अवधिमा संस्थापकहरुबाट आवेदन नपरेमा सर्वसाधारण लगानीकर्ताका लागि बिक्री खुला गरिने कम्पनीले जनाएको छ ।
