काठमाडौं । नेपाल दूरसञ्चार प्राधिकरणले मोबाइल डिभाइस म्यानेजमेन्ट सिस्टम (एमडीएमएस) प्रणालीमा दर्ता नभएका मोबाइल फोन ब्लक गर्ने भएको छ ।
असोज ४ गते प्राधिकरणले एक सूचना जारी गर्दै १५ दिनभित्र एमडीएमएसमा दर्ता नभएको फोन दर्ता गर्न आग्रह गरेको थियो । ‘यदि १५ दिनभित्र एमडीएमएस प्रणालीमा दर्ता नभएमा उक्त मोबाइल ह्यान्डसेटमा नियमानुसार मोबाइल दूरसञ्चार सेवा अवरुद्ध हुने,’ प्राधिकरणले सूचनामा उल्लेख छ । एमडीएमएसमा आईएमईआई नम्बर दर्ता नभएका फोनहरु गैरकानुनी तरिकाले भित्रिएको हुने प्राधिकरणको भनाइ छ ।
त्यस्तै, हालै नेपालमा भित्रिएको आइफोन सिरिज १५ का हजारौं फोन एमडीएमएसमा दर्ता नभएको प्राधिकरणले जनाएको छ । ति दर्ता नभएका आइफोन र एन्ड्रोइड फोनहरु ब्लक गर्ने तयारी गरेको प्राधिकरणले जनाएको छ ।
दर्ता नभएका आइफोन १५ दर्ता गर्नका लागि आह्वान भइहेको र दर्ता नभएमा ती फोनमा दूरसञ्चार सेवा अवरुद्ध गर्ने तयारी भइरहेको प्राधिकरणका अध्यक्ष पुरुषोत्तम खनालले बताएका हुन् ।
