काठमाडौं । साताको कारोबारको चौथो दिन बुधबार सेयर बजार मापक नेप्से परिसूचक बढेको छ । मंगलबारको तुलनामा नेप्से परिसूचक ९.२४ अंकले बढेर १९६७.९७ बिन्दुमा पुगेको हो ।
बुधबार नेप्सेमा कुल २८४ कम्पनीको ४३ लाख २३ हजार २१ कित्ता सेयर खरिद बिक्री हुँदा १ अर्व १८ करोडमाथिको सेयर कारोबार भएको छ । आज सबैभन्दा बढी कारोबार सिटिजन्स लाइफ इन्स्योरेन्सको भएको छ । यस कम्पनीको ६ करोड ९३ लाख ६३ हजार १ सय २२ रुपैयाँ २० पैसा बराबरको सेयर कारोबार भएको छ ।
यस्तै बुधबारको सेयर बजारमा मध्ये भोटेकोशी जलविद्युत कम्पनीका लगानीकर्ताहरु मालामाल भएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा बुद्धभुमि नेपाल हाइड्रोपावर, इन्फिनिटी लघुवित्त वित्तीय संस्था, सीवाईसी नेपाल लघुवित्त वित्तीय संस्था, दिव्यश्वरी हाइड्रोपावर र लक्ष्मी लघुवित्त वित्तिय संस्थाका लगानीकर्ताहरु पनि मालामाल भएका छन् । हेर्नुहोस् बुधबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच बुधबारको सेयर बजारमा सबैभन्दा बढी कारोबार सिटिजन्स लाइफ इन्स्योरेन्सको भएको छ । यस कम्पनीको ६ करोड ९३ लाख ६३ हजार १ सय २२ रुपैयाँ २० पैसा बराबरको सेयर कारोबार भएको छ । यस अलावा रिलायबल नेपाल लाइफ इन्स्योरेन्स, शिवम् सिमेन्ट, एनआइसी एशिया बैंक, सन नेपाल लाइफ इन्स्योरेन्स र नबिल बैंकको पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरूको सूचीः
यस्तै बुधबारको सेयर बजारमा समता घरेलु लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशत भन्दा धेरैले घटेको हो । समता घरेलु लघुवित्त वित्तिय संस्थामा यस्तो गिरावट आउँदा हिमालयन लघुवित्त वित्तिय संस्था, सिद्धार्थ इन्भेस्टमेन्ट ग्रोथ स्किम-२, आशा लघुवित्त वित्तिय संस्था र एनआइसी एशिया सेलेक्ट फण्ड ३० मा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने कम्पनीहरुको सूचीः
