काठमाडौं । सजिलो ब्रोकर लिमिटेडले ब्रोकर कारोबार गर्नको लागि ब्रोकर सदस्यता पाएको छ । ललितपुर महानगरपालिका वडा नं. ३ मा मुख्य कार्यालय रहेको सजिलो ब्रोकरले  अव ब्रोकर नं. ९० को रुपमा कारोबार गर्ने भएको छ ।

नेपाल स्टक एक्सचेन्ज (नेप्से) ले आधिकारीक रुपमा स्टक ब्रोकर नम्बर ९० को रुपमा सोमबार सदस्यता प्रदान गरेको हो ।

कम्पनीले आफ्नो नाम जस्तै सेवा पनि सजिलो रुपमा प्रदान गर्ने प्रतिवद्धता व्यक्त गरेको छ ।

त्यस्तै, कम्पनीले कम्पनी स्थापना र ब्रोकर लाइसेन्स दिने प्रक्रियामा सहयोग गरेको भन्दै नेपाल धितोपत्र वोर्ड, नेपाल स्टक एक्चेन्ज, सेयरधनी लगायत सरोकारवाला सबैमा आभार व्यक्त गरेको छ ।