काठमाडौँ । सिद्धार्थ बैंकले लाभांश पारित गर्न साधारणसभा बोलाएको छ । बैंकले सेयरधनीहरुलाई वितरण गर्न भन्दै घोषणा गरेको लाभांश पारित गर्न साधारणसभा बोलाएको हो । बैंकको २२औँ वार्षिक साधारणसभा मंसिर ५ गते आम्रपाली बैंङ्क्वेट, बालुवाटारमा बिहान १० बजेदेखि सुरु हुनेछ ।
सभाले बैंकको हाल कायम चुक्ता पूँजीको ४.२१ प्रतिशतका दरले हुन आउने ५९ करोड ३१ लाख ८८ हजार १ सय ६६ रुपैयाँ बराबरको नगद लाभांश वितरण गर्ने तथा लेखापरीक्षक नियुक्त गर्ने प्रस्ताव पारित गर्नेछ ।
त्यस्तै, अन्य कुनै पनि उपयुक्त बैंक तथा वित्तीय संस्थासँग मर्ज अथवा एक्वायर गर्ने सम्बन्धमा आवश्यक कार्य गर्ने अख्तियारी सञ्चालक समितिलाई दिने विशेष प्रस्ताव पनि सभाबाट पारित गराइनेछ । बैंकले साधारणसभा तथा लाभांश वितरण प्रयोजनार्थ कात्तिक २१ गते एक दिनका लागि बुक क्लोज गर्ने भएको छ ।
