">
काठमाडौँ । बंगलादेशले आलुको मुल्यवृद्धि रोक्न विदेशबाट आलु आयात गर्ने भएको छ । पछिल्लो समय स्थानीय बजारमा आलुको भाउ आकाशिन थालेपछि बंगलादेशले विदेशबाट आलु आयात गरेर मूल्य वृद्धि नियन्त्रण गर्ने निर्णय गरेको हो ।
विदेशबाट आलु आयात गर्नका लागि बंगलादेश सरकारले अनुमतिसमेत दिइसकेको वाणिज्य मन्त्रालयले जनाएको छ ।
‘विदेशबाट आलु आयात गर्ने निर्णय स्थानीय बजारमा आलुको अत्याधिक माग र मूल्य वृद्धिलाई शान्त पार्न सरकारको प्रयासको एक हिस्सा हो ।’– बंगलादेशको वाणिज्य मन्त्रालयद्धारा जारी विज्ञप्ती उल्लेख छ ।
त्यस्तै, बजारका लागि आलुको आपूर्ति बढाउनका लागि आलु आयात अनुमतिका लागि निवेदन दिनसमेत मन्त्रालयले व्यवसायीहरुलाई आग्रह गरिसकेको छ ।
