काठमाडौँ । नेपाली सेनाले ठूलो संख्यामा जागिर खुलाएको छ । सेनाले सैन्य पददेखि विभिन्न ट्रेडका फलोअर्स पदहरुका लागि जागिर खुलाएको हो ।
एक सूचना जारी गर्दै सेनाले सैन्य पदमा ३ हजार र सूचीकार, सफाईकर्मी, चर्मकर्मी, लोहाकार, केशकर्तक, माली लगायतका पदमा ४ सय १३ जना कर्मचारीका लागि दरखास्त आह्वान गरेको हो ।
नेपाली सेनाले जारी गरेको सूचनाअनुसार देशभरका विभिन्न ब्यारेकहरुमा पदपूर्ती गर्नका लागि ठूलो संख्यामा दरखास्त आह्वान गरिएको हो । योग्यता पुगेका इच्छुकहरुले पुस ७ गतेसम्म सेनाको जागिरका लागि आवेदन दिन सक्नेछन् ।
आवेदनका लागि नेपाली सेनाको आधिकारीक वेबसाइटबाट अनलाइन दरखास्त फारम दर्ता गरी ‘हार्डकपी’ तोकिएको भर्ना केन्द्रमा बुझाउनुपर्नेछ वा आवेदकले तोकिएको भर्ना केन्द्रमा उपस्थित भएर फाराम भर्नुपर्नेछ ।
