काठमाडौं । आशा लघुवित्त वित्तीय संस्था लिमिटेडले संस्थापक सेयर बिक्रीमा ल्याएको छ । लघुवित्तले मङ्सिर ११ गतेदेखि ८७ हजार १४ कित्ता संस्थापक सेयर बिक्रीमा ल्याएको हो ।

लघुवित्तका केहि संस्थापक सेयरधनीले आफ्नो स्वामित्वमा रहेको सेयर बिक्री गर्न लागेका हुन् । उक्त सेयरमा लघुवित्तका विद्यमान संस्थापक सेयरधनीले मात्र आवेदन दिन सक्नेछन् । सेयर खरिद गर्न इच्छुक सेयरधनीले आगामी ३५ दिनभित्र आवेदन दिन सक्नेछन् । सेयरको मूल्य भने तोकिएको छैन ।

सो अवधिमा कुनै पनि संस्थापक सेयरधनीबाट आवेदन नपरेमा सर्वसाधारण लगानीकर्ताका लागि सेयर बिक्री खुला गरिने कम्पनीले जनाएको छ ।