काठमाडौं । बैंकिङ कसुर मुद्दाका फरार प्रतिवादी पक्राउ परेका छन् । नुवाकोट जिल्ला बिदुर नगरपालिका वडा नं. १३ घर भई हाल ललितपुर चागाथली बस्ने ४६ वर्षीय राम कुमार जैरु दमाई पक्राउ परेका हुन् ।

उच्च अदालत पाटनको मिति २०७९/११/१२ गतेको फैसलाले एक दिन कैद र बिगो ३ लाख जरिवाना तोकी फरार रहेका दमाईलाई प्रहरीले कार्तिक १९ गते पक्राउ गरेको हो । काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले उनलाई चागाथलीबाट पक्राउ गरेको हो ।

पक्राउ परेका दमाईलाई आवश्यक कारवाहीका लागि जिल्ला आदलत पठाईएको प्रहरीले जनाएको छ ।