काठमाडौँ । बोटलर्स नेपाल तराई लिमिटेडले गत आर्थिक वर्षको मुनाफाबाट लाभांश घोषणा गरेको छ । कम्पनीले आर्थिक वर्ष २०७८/७९ को मुनाफाबाट आफ्ना सेयरधनीका लागि लाभांश घोषणा गरेको हो ।
कम्पनीको बुधबार बसेको सञ्चालक समितिको बैठकले सेयरधनीका लागि प्रतिसेयर ६० रुपैयाँ नगद लाभांश वितरण गर्ने प्रस्ताव गरेको हो ।
कम्पनीले प्रस्ताव गरेको उक्त लाभांश आगामी वार्षिक साधारणसभाले पारित गरेपछि सेयरधनीहरुमा वितरण गरिनेछ ।
