काठमाडौँ । हिमालयन लघुवित्तले सेयरधनीलाई लाभांश नदिने घोषणा गरेको छ । लघुवित्तले गत आर्थिक वर्षको नाफा सञ्चित गर्नुपर्ने भएकाले यसवर्ष लाभांश नदिने घोषणा गरेको हो । 

गत वर्षको नाफा सञ्चित गर्ने निर्णय शुक्रबार साँझ बसेको सञ्चालक समितिको बैठकले गरेको छ । समितिको सोही बैठकले लाभांश नदिने प्रस्ताव पनि गरेको हो ।

यसो त हिमालयन लघुवित्तले गत आर्थिक वर्षमा ११ प्रतिशत बोनस सेयर र कर प्रयोजनका लागि ०.५८ प्रतिशत नगद लाभांश वितरण गरेको थियो । तर, यसवर्ष भने लघुवित्तले सेयरधनीको हाल खाली राख्ने भएको छ । 

त्यस्तै, लघुवित्तको सञ्चालक समितिको बैठकले गत आर्थिक वर्षको वासलात तथा नाफा नोक्सान हिसाब र नगद प्रवाह विवरणमाथि छलफल गरी स्वीकृत गर्ने निर्णय पनि गरेको छ ।