">
काठमाडौँ । हिमालयन रि इन्स्योरेन्सले प्रिमियम मूल्यमा आईपीओ जारी गरेको छ । कम्पनीले पहिलो चरणमा वैदेशिक रोजगारीमा रहेका नेपालीहरुका लागि आईपीओ निष्कासन गरेको हो ।
कम्पनीले पहिलो चरणमा ३० लाख कित्ता सेयर वैदेशिक रोजगारीमा रहेका नेपालीका लागि निष्कासन गरेको हो ।
हिमालयन रिको आईपीओमा विदेशमा रहेका नेपालीहरुले मंसिर १८ गतेसम्म आवेदन दिन सक्नेछन् । त्यसपछि कम्पनीले सर्वसाधारणका लागि सयर निष्कासन गर्नेछ । कम्पनीले प्रतिकित १०० रुपैयाँ अंकित मूल्यमा १०६ रुपैयाँ प्रिमियम थप गरी प्रतिकित्ता २०६ रुपैयाँका दरले आईपीओ जारी गरेको हो ।
हिमालयन रिको आईपीओमा लगानीकर्ताहरुले सिआस्वा सदस्य रहेका बैंक तथा वित्तीय संस्था र मेरो सेयर मार्फत आवेदन दिन सक्नेछन् । कम्पनीको बिक्री प्रबन्धक एनएमबि क्यापिटल रहेको छ ।
यसो त कम्पनीले कात्तिक २१ गतेबाट प्रिमियम मूल्यमा आईपीओ जारी गर्ने तयारी गरेको थियो । तर, त्यसबेला कम्पनीले आईपीओ जारी गर्ने मिति मंसिर ४ गतेका लागि सारेको थियो । सोही अनुसार कम्पनीले सोमबार पहिलो चरणमा वैदेशिक रोजगारीमा रहेको नेपालीहरुको लागि आईपीओ जारी गरेको हो ।
