काठमाडौं । आइजीआई प्रुडेन्सियल इन्स्योरेन्सले चालु आर्थिक वर्षको पहिलो त्रैमासको वित्तीय सार्वजनिक गरेको छ । इन्स्योरेन्सले सार्वजनिक गरेको अपरिस्कृत वित्तीय विवरण अनुसार कम्पनीले पहिलो त्रैमासमा ५ करोड ११ लाख रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा ६८.०९ प्रतिशतले धेरै हो ।
इन्स्योरेन्सको नाफासँगै लगानी तथा कर्जाबाट हुने आम्दानी र कमिसनबाट हुने आम्दानी पनि बढेको छ । लगानी तथा कर्जाबाट हुने आम्दानी ४ करोड ८२ लाख रुपैयाँबाट बढेर १० करोड ४१ लाख रुपैयाँ पुगेको छ । त्यस्तै, कम्पनीको कुल दावी भुक्तानी ४४ करोड ३४ लाख रुपैयाँ रहेको छ । गत वर्ष १७ करोड ७६ लाख रुपैयाँ थियो ।
हाल इन्स्योरेन्सको चुक्ता पुँजी ३ अर्ब २ करोड रुपैयाँ रहेको छ । यसको रिटेन्ड अर्निङमा १ अर्ब १९ करोड रुपैयाँ रहेको छ । असोजसम्म कम्पनीले २२ करोड ५२ लाख रुपैयाँ बराबरको खुद बिमा शुल्क आर्जन गरेको छ । यो गत वर्षको भन्दा १२५.०४ प्रतिशतले धेरै हो । गत वर्ष यसले १० करोड १ लाख रुपैयाँ बराबरको बिमा शुल्क आर्जन गरेको थियो । यसको प्रतिसेयर आम्दानी ६ रुपैयाँ ७५ पैसा र प्रतिसेयर नेटवर्थ भने १६० रुपैयाँ २ पैसा रहेको छ ।
