">
काठमाडौँ । कामना विकास बैंकले आफ्ना ग्राहकहरुलाई पहिचान विवरण (केवाईसी) अद्यावधिक गर्न आग्रह गरेको छ । बैंकले एक सूचना जारी गर्दै आफ्ना ग्राहकहरुलाई केवाइसी अपडेट गर्न आग्रह गरेको हो ।
बैंकले ग्राहकहरुलाई सूचना प्रकाशित भएको ३५ दिनभित्र अद्यावधिक गर्न आग्रह गरेको छ । बैंकमा खाता खाली कारोबार गर्दै आईरहेका ग्राहकहरुलाई पटकपटक अद्यावधिक गर्न जानकारी गराउँदा पनि पूर्ण रुपमा केवाईसी अद्यावधिक नभएकाले बैंकले यस्तो आग्रह गरेको हो ।
त्यस्तै, ग्राहकहरुले तोकिएको समयभित्र अद्यावधिक नगराएमा प्रचलित कानून तथा बैंकको खाता संचालन नियम बमोजिम हुने समेत बैंकले जनाएको छ । ग्राहकहरुले बैंकको जुनसुकै शाखा कार्यालयमाबाट केवाईसी अद्यावधिक गर्न सक्नेछन् ।
