काठमाडौँ । कुमारी बैंकले नयाँ योजना सार्वजनिक गरेको छ । बैंकले तिहार र छठ पर्वलाई लक्षित गर्दै ग्राहक सेवामा उत्कृष्टता ल्याउने प्रतिबद्धताका साथ आकर्षक ‘क्यासब्याक अफर’ सार्वजनिक गरेको हो ।
बैंकको उक्त योजना अनुसार, हरेक दिन पहिलो ५० जनालाई मोबाइल बैंङकिङमार्फत क्यूआर र पहिलो ५० जनालाई कार्डबाट भुक्तानि कारोबार गर्दा बैंकद्धारा २५ प्रतिशत अधिकतम ५ सय १ रुपैयाँसम्म क्यास ब्याक दिने बैंकले जानकारी दिएको छ । साथै, क्यास ब्याक रकम पिओएस, क्यूआर पेमेन्ट तथा अनलाइन पेमेन्टबाट गर्ने कारोबारमा प्रदान गर्ने कम्पनीले जनाएको छ ।
चाडपर्वको अवसरमा कुमारी बैंकले नेपाली समुदायको खुसीमा साथ दिन आफ्नो अटल प्रतिबद्धता स्वरुप उपरोक्त सुविधाहरु आगामी कात्तिक २६ देखि मंसिर ३ गतेसम्म लागु हुने जानकारी दिएको छ ।
उक्त बैंकले देशभर रहेका ३ सय ८ शाखा प्रधान कार्यालय बाहेक, ४८ वटा विस्तारित काउन्टर, ३ सय ९ एटिएम, तथा ६४ शाखारहित बैंकिङ एकाइहरू सहितको बैंकिङ प्रक्रियालाई सरलीकरण, पहुँच अभिवृद्धि र ग्राहक सेवामा उत्कृष्टता ल्याउने प्रतिबद्धता व्यक्त गरेको छ ।
