काठमाडौँ । लोकसेवा आयोगले लिएको फार्मेसी सहायक पदको परीक्षामा सबै परीक्षार्थी फेल भएका छन् । आयोगको जलेश्वर कार्यालय र पोखरा कार्यालयले लिएको फार्मेसी सहायक पदको लिखित परीक्षामा सहभागी सबै परीक्षार्थी फेल भएका हुन् ।
परीक्षामा सहभागी कोही परीक्षार्थीले पनि लिखित परीक्षा पास गर्न नसकेको आयोगले जनाएको छ ।
आयोगका अनुसार जलेश्वर कार्यालयमा खुलातर्फ एक जना सहायक फार्मेसी पदको विज्ञापन खुलेकोमा १३ जना परीक्षार्थीहरु लिखित परीक्षामा सहभागी भएका थिए । तर, परीक्षामा सहभागी सबै फेल भएका हुन् ।
त्यस्तै, पोखरा कार्यालयमा महिला कोटामा एक जनाको माग भएकोमा लिखित परीक्षा दिन सहभागी तीन जना परीक्षार्थी फेल भएको आयोगले जनाएको छ ।
