काठमाडौँ । एनआईसी एशिया लघुवित्तले सेयरधनीलाई १५ प्रतिशत नगद लाभांश दिने भएको छ । लघुवित्तले गत आर्थिक वर्षको मुनाफाबाट सेयरधनीलाई उक्त लाभांश दिने घोषणा गरेको हो ।
मंसिर ८ गते बसेको लघुवित्तको सञ्चालक समितिको बैठकले यसवर्ष आफ्ना सेयरधनीलाई १५ प्रतिशत नगद लाभांश दिने प्रस्ताव गरेको हो ।
योसँगै कम्पनीले नगद लाभांशको १५ प्रतिशत अर्थात २६ करोड ९ लाख १६ हजार रुपैयाँ सेयरधनीमा वितरण गर्नेछ । लघुवित्तले घोषणा गरेको लाभांश नियामक नेपाल राष्ट्र बैंक र आगामी साधारणसभाले पारित गरेपछि सेयरधनीमा वितरण गरिनेछ ।
हाल कम्पनीको चुक्ता पूँजी १ अर्ब ७३ करोड ९४ लाख ४० हजार रुपैयाँ रहेको छ ।
