काठमाडौं । राष्ट्रिय बीमा कम्पनी लिमिटेडले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले सावजनिक गरेको वित्तीय विवरण अनुसार कम्पनीले पहिलो त्रैमाससम्ममा १३ करोड ७६ लाख रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा १५५.६० प्रतिशतले धेरै हो ।
अघिल्लो वर्ष कम्पनीले ५ करोड ३८ लाख रुपैयाँ खुद नाफा आर्जन गरेको थियो । कम्पनीको नाफासँगै लगानी तथा कर्जाबाट हुने आम्दानी पनि ४१.४४ प्रतिशतले बढेको छ । लगानी तथा कर्जाबाट हुने आम्दानी ११ करोड ४२ लाख रुपैयाँबाट बढेर १६ करोड १६ लाख रुपैयाँ पुगेको छ ।
कम्पनीको कुल दावी भुक्तानी पनि ४ करोड ३४ लाख रुपैयाँबाट बढेर ६ करोड १६ लाख रुपैयाँ पुगेको छ । राष्ट्रिय बीमा कम्पनीको चुक्त्ता पुँजी २६ करोड ६६ लाख रुपैयाँ रहेको छ । रिटर्न अर्निङमा ३ अर्व ४१ करोड रुपैयाँ रहेको छ ।
असोजसम्म यसले ८ करोड ३८ लाख रुपैयाँ बराबरको खुद बिमा शुल्क आर्जन गरेको छ । यो गत वर्षको भन्दा ४८०.५५ प्रतिशतले धेरै हो । गत वर्ष यसले १ करोड ४४ रुपैयाँ बराबरको बिमा शुल्क आर्जन गरेको थियो ।
यसको प्रतिसेयर आम्दानी ५१ रुपैयाँ ६३ पैसा र प्रतिसेयर नेटवर्थ भने १५४० रुपैयाँ २९ पैसा रहेको छ ।
