काठमाडौं । राष्ट्रिय बीमा संस्थान राष्ट्रिय जीवन बीमा कम्पनी लिमिटेडमा परिणत भएको छ । संस्थान कम्पनीमा परिणत भएसँगै संस्थानका प्रशाशक कविप्रसाद पाठक र कृष्णकुमार श्रेष्ठको जागिर गएको छ ।
कम्पनीको संचालक समितिको पहिलो बैठकले व्यवस्थापन तहमा रहेका चार्टर्ड एकाउन्टेण्ट महेश रिमाललाई निमित्त प्रमुख कार्यकारी अधिकृत (सीईओ)को जिम्मेवारी दिएको हो । रिमाल यसअघि संस्थानको नायव महाप्रबन्धक थिए ।
मन्त्रिपरिषदबाट कम्पनीमा रुपान्तरण हुन सैद्धान्तिक स्वीकृति पाएको राष्ट्रिय जीवन बीमा कम्पनी लिमिटेडले सोमबार कम्पनी दर्ताको प्रमाणपत्र पाएको हो । नयाँ कम्पनी हालकै १८ करोड १० लाख २० हजार चुक्ता पुँजी कायम गरी कम्पनीमा दर्ता भएको हो ।
