काठमाडौं । साल्ट ट्रेडिङ कर्पोरेशन लिमिटेडले पहिलो त्रैमासको वित्तीय विवरण सार्वजनिक गरेको छ । कम्पनीले सार्वजनिक गरेको वित्तीय विवरण अनुसार पहिलो त्रैमाससम्ममा १ करोड ९१ लाख ९४ हजार रुपैयाँ खुद नाफा आर्जन गरेको छ । जुन खुद नाफा अघिल्लो वर्षको सोहि अवधिको तुलनामा २१२.९३ प्रतिशतले धेरै हो ।
अघिल्लो वर्ष कम्पनीले ६१ लाख ३३ हजार रुपैयाँ खुद नाफा आर्जन गरेको थियो । कम्पनीको बिक्री आम्दानीमा पनि बढोत्तरी देखिएको छ । गत वर्ष १ अर्व ५४ करोड १ अर्ब ५४ करोड ४५ लाख ५० हजार रुपैयाँ रहेको बिक्री आम्दानी अहिले बढेर २ अर्ब ९२ करोड ९० लाख २२ हजार पुगेको छ । त्यस्तै अन्य आम्दानी पनि १ करोड ३ लाखबाट बढेर १ करोड १० लाख ६५ हजार रुपैयाँ पुगेको छ ।
साल्ट ट्रेडिङको प्रतिसेयर आम्दानी २७ रुपैयाँ ५३ पैसा रहेको छ भने प्रतिसेयर नेटवर्थ भने ४०७ रुपैयाँ १९ पैसा रहेको छ । हाल साल्ट ट्रेडिङको चुक्ता पुँजी २७ करोड ८८ लाख ८४ हजार ३०९ रुपैयाँ छ । यसको जगेडा तथा मुनाफा शीर्षकमा १ अर्ब ३२ करोड ७० लाख ४७ लाख रुपैयाँ जम्मा रहेको छ ।
