काठमाडौँ । भारतले नेपाललाई २५ हजार मेट्रिक टन चिनी आयात गर्न दिने भएको छ । यसअघि चिनीमा प्रतिबन्ध लगाएको भारतले नेपालमा चिनीको अभाव काम गर्न २५ हजार मेट्रिक टन चिनी आयात गर्न दिने भएको हो ।

चाडवाडको मुखमा नेपाली बजारमा भएको चिनीको अभाव हटाउन भारतीय कृषि मन्त्रालयले २५ हजार मेट्रिक टनसम्म चिनी आयात गर्न दिने निर्णय गरेको हो ।

यसअघि विश्वको सबैभन्दा ठूलो चिनी उत्पादक मुलुक भारतमा नै चिनीको उत्पादनमा कमी आएको भन्दै भारत सरकारले नेपालमा चिनी आयातमा प्रतिबन्ध लगाएको थियो । तर, नेपाली बजारमा अत्याधिक चिनीको अभाव हुन थालेपछि प्रतिबन्ध फुकुवा गर्दै भारतले २५ हजार मेट्रिक टनसम्म चिनी आयात गर्न दिने भएको हो । यसले चाडवाडको मुखमा चिनीको अभाव नहुनेमा विश्वास गरिएको छ ।

हाल नेपाली बजारमा चिनी अभावका कारण उपभोक्ताले झेल्नुपरेको महँगी र कालोबजारीको समस्या पनि टर्ने अपेक्षा गरिएको छ ।