काठमाडौं । युनाइटेड मोदी हाइड्रोपावरले हकप्रद सेयर जारी गर्ने भएको छ । हाइड्रोपावरले हाल कायम चुक्त्ता पुँजीको १:१ अनुपातमा हकप्रद सेयर जारी गर्ने भएको हो ।

कम्पनीको मङ्सिर १३ गते बुधबार बसेको संचालक समिति बैठकले १:१ अनुपातमा हकप्रद सेयर जारी गर्ने निर्णय गरेको हो । कम्पनीले आफ्नो उद्देश्य बमोजिम जलविद्युत आयोजनामा लगानी गर्न उक्त सेयर जारी गर्न लागेको हो ।

नियामक निकायबाट स्वीकृति भएपछि मात्र कम्पनीले आगामी साधारणसभामा उक्त प्रस्ताव पेश गर्नेछ । सभाबाट पारित भएपछि नेपाल धितोपत्र बोर्डमा निवेदन पेश गर्ने जनाएको छ । बोर्डबाट अनुमति पाएपछि मात्र कम्पनीले हकप्रद सेयर बिक्री गर्नेछ ।

हाल हाइड्रोपावरको चुक्ता १ अर्ब २३ करोड ५ लाख रुपैयाँ रहेको छ । हकप्रद पछि २ अर्ब ४६ करोड १० लाख रुपैयाँ पुग्नेछ ।