काठमाडौं । भिजन लुम्बिनी उर्जा कम्पनीको आइपीओ बिक्री खुला भएको छ । कम्पनीले कार्तिक १६ गते बिहीबारदेखि  सर्वसाधारण लगानीकर्ताका लागि आइपीओ बिक्री खुला गरेको हो ।

कम्पनीले पहिलो चरणमा स्थानीय बासिन्दा र वैदेशिक रोजगारीमा रहेका नेपालीहरुको लागि आइपीओ निष्काशन गरेको थियो । भिजन लुम्बिनीले आयोजना प्रभावित स्थानीयलाई जारी गरेको सेयर मध्ये स्थानीयले आवेदन नदिएको ४ लाख ८७ हजार ९१० कित्ता सेयर समेत थप गरी कुल २० लाख ७५ हजार २८५ कित्ता सेयर सर्वसाधारणका लागि जारी गरेको हो ।

उक्त आइपीओमा कार्तिक २० गतेसम्म आवेदन दिन सकिने कम्पनीले जनाएको छ । सो अवधिमा सम्पूर्ण सेयर बिक्री नभएमा मङ्सिर १ गतेसम्म आवेदन म्याद थप गरिने जनाईएको छ । लगानीकर्ताले न्युनतम १० कित्तादेखि अधिकतम ३ लाख ८० हजार कित्ताका लागि आवेदन दिन सक्नेछन् ।

यसमा बिक्री प्रबन्धकको काम मुक्तिनाथ क्यापिटल लिमिटेडले गरेको छ । रेटिङ एजेन्सी इक्रा नेपालले यो आइपीओलाई ‘आइआरएन डबल बी माइनस इस्यूआर’ रेटिङ प्रदान गरेको छ । जसले कम्पनीको वित्तीय दायित्व बहन गर्ने क्षमतामा औसत जोखिम रहेको संकेत गर्छ