काठमाडौं । वैदेशिक रोजगारीका लागि विभिन्न देश पठाईदिने भन्दै रकम ठगी गर्ने दुई जना पक्राउ परेका छन् । पक्राउ पर्नेमा बर्दिया जिल्ला मधुबन नगरपालिका वडा नं. ६ घर भई हाल ललितपुर जिल्ला गोदावरी बस्ने ३० वर्षीय अभिषेक श्रेष्ठ र झापा जिल्ला बिर्तामोड नगरपालिका वडा नं. ४ घर भई हाल काठमाडौं जिल्ला गौरीघाट बस्ने १८ वर्षीय अन्जेश गिरी पक्राउ परेका हुन् ।

उनीहरुले विभिन्न व्यक्तिहरुलाई अमेरिका, साउथ अफ्रिकालगायतका देशमा पठाईदिने भन्दै रकम ठगी गरेका थिए । श्रेष्ठले ८ लाख रुपैयाँ र गिरीले १७ लाख ठगी गरी सम्पर्क विहिन भएका थिए ।

उनीहरुलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले मङ्सिर २२ गते लगनखेल र सिनामंगलबाट पक्राउ परेका हुन् । पक्राउ परेका उनीहरुलाई थप अनुसन्धान तथा कारवाहीका लागि वैदेशिक रोजगार विभाग पठाईएको प्रहरीले जनाएको छ ।