काठमाडौं । वैदेशिक रोजगारीका लागि दुबई पठाईदिने भन्दै रकम ठगी गर्ने दुई जना व्यक्ति पक्राउ परेका छन् । पक्राउ पर्नेमा काठमाडौँ जिल्ला तार्केश्वर नगरपालिका वडा नं. ५ बस्ने ४० वर्षीय नविन खड्का र ३३ वर्षीय चमेली चुहान रहेका छन् ।

उनीहरुले जगत बहादुर बिष्टलाई दुबई पठाईदिने भन्दै ३ लाख रुपैयाँ ठगी गरेका थिए । उनीहरुले पीडितलाई मासिक ६० हजार तलब हुन्छ भनी विश्वास दिलाई प्रलोभनमा परेका थिए । काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले पुष ३ गते चमेली चुहानलाई बालाजु र नविन खड्कालाई नयाँ बानेश्वरबाट पक्राउ गरेको हो ।

पक्राउ परेका उनीहरुलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।