काठमाडौं । गणपति लघुवित्त वित्तीय संस्था लिमिटेड ८औं वर्षमा प्रवेश गरेको छ । लघुवित्तले वार्षिकउत्सवको अवसरमा कास्की जिल्ला पोखरा महानगरपालिका वडा नं. ३२ लामेआहालमा अवस्थित श्री राधाकृण बृद्धाश्रममा जेष्ठ नागरिकहरुका लागी सहयोग उपलब्ध गराएको छ ।
लघुवित्तका प्रमुख कार्यकारी अधिकृत विष्णु प्रसाद ढकालले एक कार्यक्रमकाबीच बृद्धाश्रम संचालक समितिका अध्यक्ष प्रेम लिगललाई सहयोग हस्तान्तरण गरेका हुन् ।
वि.सं. २०७३ मंसिर २४ गतेबाट प्रथम कारोबार प्रारम्भ गरेको वित्तीय संस्थाले हाल २३ वटा जिल्लामा ४३ वटा शाखा कार्यालयहरु मार्फत ग्रामिण क्षेत्रका ३५,२९२ सदस्यहरुलाई वित्तीय सेवा प्रदान गरीरहेको छ ।
