काठमाडौँ । नेपालको हवाई उडान युरोपियन युनियन (ईयु)को उडान सम्बन्धी कालोसूचीबाट हट्न सकेको छैन । सरकारले गरेको पटक–पटकको प्रयासपछि पनि नेपालको हवाई उडान ईयुको कालोसूचीबाट हट्न नसकेको हो । युरोपियन कमिसनको मोभिलिटी एण्ड ट्रान्सपोर्ट डिभिजनले नेपाली वायुसेवा कम्पनीलाई कालोसूचीबाट हटाउन नमानेको हो ।
युनियनले सार्वजनिक गरेको प्रतिवेदन अनुसार नेपाली वायु सेवा कम्पनीलाई युरोपेली मुलुकको आकाश प्रयोगमा लागेको प्रतिबन्धलाई निरन्तरता दिएको छ ।
युरोपियन कमिसनको टोलीले नेपालको उड्डयन सुरक्षाका विषयमा नेपाल आएर फर्किएको थियो । नेपाल नागरिक उड्डयन प्राधिकरणका महानिर्देशक प्रदीप अधिकारीले कालोसूचीबाट हटाउन आग्रह गरेका थिए । अधिकारीले सकरात्मक प्रगति भएको बताएका थिए ।
युरोपेली आयोगले ‘युरोपेली युनियन (इयू) हवाई सुरक्षा सूची’ अद्यावधिक गर्दै नेपाली वायुसेवालाई त्यहाँको आकाशमा उडान गर्न कालोसूचीमा राखेको थियो ।
