काठमाडौं । साना किसान लघुवित्त वित्तीय संस्थाले लाभांश वितरण गर्ने घोषणा गरेको छ । लघुवित्तले गत आर्थिक वर्षको मुनाफाबाट सेयरधनीहरुलाई २० प्रतिशत लाभांश वितरण गर्ने घोषणा गरेको हो ।

लघुवित्तको मङ्सिर २४ गते आइतबार बिहान बसेको संचालक समितिको बैठकले १५ प्रतिशत बोनस सेयर र कर प्रयोजनका लागि ५ प्रतिशत नगद गरी कुल २० प्रतिशत लाभांश दिने निर्णय गरेको हो ।

उक्त प्रस्तावित लाभांश नियामक नेपाल राष्ट्र बैंक र लघुवित्तको आगामी साधारणसभाले पारित गरेपछि सेयरधनीमा वितरण हुनेछ ।

गत वर्ष कम्पनीले २६ प्रतिशत बोनस सेयर र १.३७ प्रतिशत नगद लाभांश वितरण गरेको थियो ।