काठमाडौँ । सन् २०२३ को सबैभन्दा महँगो सहरको सूचीको शीर्ष स्थानमा स्वीट्जरल्याण्डको जुरिच र सिंगापुर परेका छन् । इकोनोमिस्ट इन्टेलिजेन्स युनिटले सार्वजनिक गरेको वर्ल्डवाइड कस्ट अफ लिभिङ रिपोर्टका अनुसार सिंगापूर र जुरिच विश्वकै सबैभन्दा महँगो शहर बनेका हुन् ।
वर्ल्डवाइड कस्ट अफ लिभिङ रिपोर्टमा सन् २०२३ का लागि संसारभरका १७३ वटा सहरहरुमाथि सर्वेक्षण गरिएको थियो । जहाँ सबैभन्दा पहिलो महँगो सहरमा जुरिच र सिंगापूर परेका छन् । सन् २०२३ मा ‘कस्ट अफ लिभिङ’ ७.४ प्रतिशतले उल्लेख्य रुपमा वृद्धि भएको छ ।
रिपोर्टका अनुसार जुरिच र सिंगापूरपछि विश्वकै सबैभन्दा महंगो १० सहरको सूचीमा क्रमशः न्यूयोर्क, जेनेभा, हङकङ, लस एनजलस, पेरिस, तेल अभिभ, कोपेनहेगन र सान फ्रान्सिसको रहेका छन् ।
