काठमाडौं । कुवेत पठाईदिन्छु भन्दै रकम ठगी गर्ने महिला पक्राउ परेकी छिन् । तेह्रथुम जिल्ला म्याङलुङ नगरपालिका वडा नं. २ घर भई हाल काठमाडौँ महानगरपालिका वडा नं. ८ गौशाला बस्ने ४३ वर्षीय जुनु तुम्बाहाङफे पक्राउ परेकी हुन् ।

उनले रस्मिता भुलोनलाई वैदेशिक रोजगारीको लागि कुवेत पठाईदिने भन्दै रकम ठगी गरेकी थिइन् । पीडितलाई आकर्षक तलब हुन्छ भनि विश्वास दिलाई प्रलोभनमा परेर दुई लाख रुपैयाँ ठगी गरी सम्पर्क विहीन भएको प्रहरीले जनाएको छ । तुम्बाहाङफेलाई काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले  गौशालाबाट पक्राउ गरेको हो ।

पक्राउ परेकी उनलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।