काठमाडौं। वैदेशिक रोजगारीका लागि पोर्चुगल पठाईदिन्छु भन्दै १८ लाख ठग्ने एक महिला पक्राउ परेकी छिन् । पक्राउ पर्नेमा दाङ जिल्ला घोराही उपमहानगरपालिका वडा नं. १२ घर भई हाल काठमाडौँ महानगरपालिका वडा नं. २६ सामाखुसी बस्ने ३० वर्षीय मञ्जु रावत घर्ती रहेकी छिन् ।

उनले तीन जनालाई आकर्षक तलबको प्रलोभनमा पारेर १८ लाख रुपैयाँ ठगी गरेकी थिइन् । उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले माघ २५ गते नयाँबानेश्वरबाट पक्राउ गरेको हो ।

पक्राउ परेकी उनलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।