काठमाडौं। वैदेशिक रोजगारीका लागि विदेश पठाईदिने भन्दै रकम ठगी गर्ने दुई जना पक्राउ परेका छन् । पक्राउ पर्नेमा गोर्खा घर भएका ३८ वर्षीय विकल बहादुर आले र तनहुँ घर भएका ३४ वर्षीय धर्मेन्द्र श्रेष्ठ रहेका छन् ।
उनीहरुले आकर्षक तलबको प्रलोभनमा पारेर क्यानाडा, युकेलगायतका देश पठाईदिने भन्दै रकम ठगी गरेका थिए । काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले उनीहरुलाई पक्राउ गरेको हो ।
पक्राउमध्ये वकिल बहादुरले क्यानडा पठाइदिन्छु भन्दै ६ जना पीडितहरूबाट ३६ लाख रुपैयाँ ठगी गरेको र धर्मेन्द्रले युके पठाइदिन्छु भन्दै २ जना पीडितहरूबाट ९ लाख ५० हजार रुपैयाँ ठगी गरेको खुल्न आएको छ ।
पक्राउ परेका उनीहरुलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।
