काठमाडौँ । नेपाल चार्टर्ड एकाउन्टेन्ट्स संस्था (आइक्यान)को चुनाव नजिकिँदै गर्दा चुनावका उम्मेदवार र मतदाताबीच परिचयात्मक तथा अन्तरक्रियात्मक कार्यक्रम आयोजना भएको छ । शुक्रबार भक्तपुरस्थित जर्मन होम्समा दिउँसो ३ बजेदेखि बेलुकी ६ बजेसम्म सो कार्यक्रम आयोजना भएको हो । सो कार्यक्रममा सबै उम्मेदवारहरुको सहभागिता रहेको थियो ।
एक्यान भक्तपुरका अध्यक्ष सिए थानेश्वर बस्यालले अध्यक्षता गरेको सो कार्यक्रममा उपस्थित सबै उम्मेदवारहरुले आ-आफ्ना एजेन्डा प्रस्तुत गरेका थिए । सिए एकराज सिग्देलले संचालन गरेको सो कार्यक्रममा सिए भुपराज न्यौपानेलेसमेत उम्मेदवारहरुलाई आइक्यानले गर्नुपर्ने विभिन्न कामका बारेमा सुझाव दिएका थिए ।
एक्यान भक्तपुर र सिए सरोकारमा प्रत्यक्ष प्रशारण गरिएको सो कार्यक्रममा उम्मेदवारहरुले सार्वजनिक रुपमा मतसमेत मागेका थिए । पछिल्लो समय एक्यानका विभिन्न जिल्ला समितिमध्ये एक्यान भक्तपुर सबैभन्दा बढी क्रियाशील देखिएको छ । बाँकी फोटो फिचरमा हेर्नुहोस्ः
